āḳhir ko hañs paḌeñge kisī ek baat par

ronā tamām umr kā be-kār jā.egā

aaKHir ko hans paDenge kisi ek baat par

rona tamam umr ka be-kar jaega

tū mujhe bante bigaḌte hue ab ġhaur se dekh

vaqt kal chaak pe rahne de na rahne de mujhe

tu mujhe bante bigaDte hue ab ghaur se dekh

waqt kal chaak pe rahne de na rahne de mujhe

tamām umr akele meñ tujh se bāteñ kiiñ

tamām umr tire rū-ba-rū ḳhamosh rahe

tamam umr akele mein tujh se baaten kin

tamam umr tere ru-ba-ru KHamosh rahe

ye daur vo hai ki baiThe raho charāġh-tale

sabhī ko bazm meñ dekho magar dikhā.ī na do

ye daur wo hai ki baiThe raho charagh-tale

sabhi ko bazm mein dekho magar dikhai na do

do harf tasallī ke jis ne bhī kahe us ko

afsāna sunā Daalā tasvīr dikhā Daalī

do harf tasalli ke jis ne bhi kahe us ko

afsana suna Dala taswir dikha Dali