ye adā.eñ ye ishāre ye hasīñ qaul-o-qarār

kitne ādāb ke parde meñ hai inkār kī baat

ye adaen ye ishaare ye hasin qaul-o-qarar

kitne aadab ke parde mein hai inkar ki baat

use ḳhabar hai ki anjām-e-vasl kyā hogā

vo qurbatoñ kī tapish fāsle meñ rakhtī hai

use KHabar hai ki anjam-e-wasl kya hoga

wo qurbaton ki tapish fasle mein rakhti hai

ham ne maanā ki tire shahr meñ sab achchhā hai

koī iisā ho to mil jā.eñge bīmār bahut

hum ne mana ki tere shahr mein sab achchha hai

koi isa ho to mil jaenge bimar bahut

fan kā da.avā hai to kuchh jur.at-e-iz.hār bhī ho

zeb detā nahīñ fankār ko buzdil honā

fan ka dawa hai to kuchh jurat-e-izhaar bhi ho

zeb deta nahin fankar ko buzdil hona

ham ho ga.e shahīd ye e.azāz to milā

ahl-e-junūñ ko nukta-e-āġhāz to milā

hum ho gae shahid ye eazaz to mila

ahl-e-junun ko nukta-e-aghaz to mila