kyuuñ maañg rahe ho kisī bārish kī duā.eñ

tum apne shikasta dar-o-dīvār to dekho

kyun mang rahe ho kisi barish ki duaen

tum apne shikasta dar-o-diwar to dekho

terī yādoñ kī chamaktī huī mash.al ke sivā

merī āñkhoñ meñ koī aur ujālā hī nahīñ

teri yaadon ki chamakti hui mashal ke siwa

meri aankhon mein koi aur ujala hi nahin

mire vajūd ke ḳhushbū-nigār sahrā meñ

vo mil ga.e haiñ to mil kar bichhaḌ bhī sakte haiñ

mere wajud ke KHushbu-nigar sahra mein

wo mil gae hain to mil kar bichhaD bhi sakte hain

daftar kī thakan oḌh ke tum jis se mile ho

us shaḳhs ke taaza lab-o-ruḳhsār to dekho

daftar ki thakan oDh ke tum jis se mile ho

us shaKHs ke taza lab-o-ruKHsar to dekho

mirī shā.irī meñ chhup kar koī aur boltā hai

sar-e-ā.ina jo dekhūñ to vo shaḳhs dūsrā hai

meri shairi mein chhup kar koi aur bolta hai

sar-e-aina jo dekhun to wo shaKHs dusra hai

terī ḳhushbū pyaar ke lahje meñ bole to sahī

dil kī har dhaḌkan ko ik chehra nayā mil jā.egā

teri KHushbu pyar ke lahje mein bole to sahi

dil ki har dhaDkan ko ek chehra naya mil jaega

dekh le zarā aa kar āñsuoñ ke ā.īne

maiñ sajā ke palkoñ par terā pyaar laayā huuñ

dekh le zara aa kar aansuon ke aaine

main saja ke palkon par tera pyar laya hun

kuchh mere dhaḌakte hue dil ne bhī pukārā

kuchh aap ko bāzār meñ dhokā bhī huā hai

kuchh mere dhaDakte hue dil ne bhi pukara

kuchh aap ko bazar mein dhoka bhi hua hai

jab bhī aatā hai vo mere dhyān meñ

phuul rakh jaatā hai roshan-dān meñ

jab bhi aata hai wo mere dhyan mein

phul rakh jata hai roshan-dan mein

chāñd kā daaġh miTā.eñge ham

terī tasvīr banā.eñge ham

chand ka dagh miTaenge hum

teri taswir banaenge hum

sunahrī dhuup kā TukḌā huuñ lekin

tire saa.e meñ chalnā chāhtā huuñ

sunahri dhup ka TukDa hun lekin

tere sae mein chalna chahta hun

mujh ko baḌe ḳhulūs se barbād kar diyā

'jāzib' kisī ne ek havas-kār ke liye

mujh ko baDe KHulus se barbaad kar diya

'jazib' kisi ne ek hawas-kar ke liye

pyaar kī ḳhud-farebiyāñ tauba

miTte miTte bhī aas rahtī hai

pyar ki KHud-farebiyan tauba

miTte miTte bhi aas rahti hai

mire pyaar kā koī hāsil nahīñ hai

vo ik mauj huuñ jis kā sāhil nahīñ hai

mere pyar ka koi hasil nahin hai

wo ek mauj hun jis ka sahil nahin hai