āñkhoñ meñ base ho tum āñkhoñ meñ ayaañ ho kar

dil hī meñ na rah jaao āñkhoñ se nihāñ ho kar

aankhon mein base ho tum aankhon mein ayan ho kar

dil hi mein na rah jao aankhon se nihan ho kar

daulat-e-ahd-e-javānī ho ga.e

chand lamhe jo kahānī ho ga.e

daulat-e-ahd-e-jawani ho gae

chand lamhe jo kahani ho gae

dil kī rāheñ judā haiñ duniyā se

koī bhī rāhbar nahīñ hotā

dil ki rahen juda hain duniya se

koi bhi rahbar nahin hota

duniyā ne ḳhuub samjhā duniyā ne ḳhuub parkhā

merī nazar ko dekhā jab aap kī nazar se

duniya ne KHub samjha duniya ne KHub parkha

meri nazar ko dekha jab aap ki nazar se

hastī kā raaz kyā hai ġham-e-hast-o-būd hai

aalam tamām dām-e-rusūm-o-quyūd hai

hasti ka raaz kya hai gham-e-hast-o-bud hai

aalam tamam dam-e-rusum-o-quyud hai