maiñ us ke aib us ko batātā bhī kis tarah

vo shaḳhs aaj tak mujhe tanhā nahīñ milā

main us ke aib us ko batata bhi kis tarah

wo shaKHs aaj tak mujhe tanha nahin mila

aap aa.e haiñ haal pūchhā hai

ham ne aise bhī ḳhvāb dekhe haiñ

aap aae hain haal puchha hai

hum ne aise bhi KHwab dekhe hain

rāh-rau bach ke chal daraḳhtoñ se

dhuup dushman nahīñ hai saa.e haiñ

rah-rau bach ke chal daraKHton se

dhup dushman nahin hai sae hain

chaḌhte sūraj kī mudārāt se pahle 'ejāz'

soch lo kitne charāġh us ne bujhā.e hoñge

chaDhte suraj ki mudaraat se pahle 'ejaz'

soch lo kitne charagh us ne bujhae honge

ai sañg-e-āstāñ mire sajdoñ kī laaj rakh

aayā huuñ e'tirāf-e-shikast-e-ḳhudī liye

ai sang-e-astan mere sajdon ki laj rakh

aaya hun e'tiraf-e-shikast-e-KHudi liye