atvār us ke dekh ke aatā nahīñ yaqīñ

insāñ sunā gayā hai ki āfāq meñ rahā

atwar us ke dekh ke aata nahin yaqin

insan suna gaya hai ki aafaq mein raha

dar khol ke dekhūñ zarā idrāk se bāhar

ye shor sā kaisā hai mirī ḳhaak se bāhar

dar khol ke dekhun zara idrak se bahar

ye shor sa kaisa hai meri KHak se bahar

ho nahīñ paayā hai samjhauta kabhī donoñ ke biich

jhuuT andar se hai sach bāhar se uktāyā huā

ho nahin paya hai samjhauta kabhi donon ke bich

jhuT andar se hai sach bahar se uktaya hua

havā ke khel meñ shirkat ke vāste mujh ko

ḳhizāñ ne shāḳh se pheñkā hai rahguzār ke biich

hawa ke khel mein shirkat ke waste mujh ko

KHizan ne shaKH se phenka hai rahguzar ke bich

natīja ek sā niklā dimāġh aur dil kā

ki donoñ haar ga.e imtihāñ meñ duniyā ke

natija ek sa nikla dimagh aur dil ka

ki donon haar gae imtihan mein duniya ke