farq koī nahīñ ḳhalvat meñ ki mahfil meñ rahūñ

dard se mujh ko judā.ī nahīñ detā kuchh bhī

farq koi nahin KHalwat mein ki mahfil mein rahun

dard se mujh ko judai nahin deta kuchh bhi

is qadar āñkhoñ pe qābiz hai vo jaanā us kā

is taraf aatā dikhā.ī nahīñ detā kuchh bhī

is qadar aankhon pe qabiz hai wo jaana us ka

is taraf aata dikhai nahin deta kuchh bhi

ḳhāmoshī jab bhī zaa.e' ho jaatī thī

sahrā meñ jā kar chillāyā karte the

KHamoshi jab bhi zae' ho jati thi

sahra mein ja kar chillaya karte the

ye bād-e-sabā ḳhushbū parindoñ kī sadā.eñ

har shai use khiḌkī pe bulāne ke liye hai

ye baad-e-saba KHushbu parindon ki sadaen

har shai use khiDki pe bulane ke liye hai

kaash ham mahsūs karte dukh un āñkhoñ kā kabhī

dekhtī rahtī haiñ jo har pal kisī kā rāstā

kash hum mahsus karte dukh un aankhon ka kabhi

dekhti rahti hain jo har pal kisi ka rasta