donoñ hāthoñ se chhupā rakkhā hai muñh

aa.ine ke vaar se Dartā huuñ maiñ

donon hathon se chhupa rakkha hai munh

aaine ke war se Darta hun main

hamāre naam kī taḳhtī bhī un pe lag na sakī

lahū meñ gūñdh ke miTTī jo ghar banā.e ga.e

hamare nam ki taKHti bhi un pe lag na saki

lahu mein gundh ke miTTi jo ghar banae gae

is liye maiñ ne muhāfiz nahīñ rakkhe apne

mire dushman mire is jism se bāhar kam haiñ

is liye main ne muhafiz nahin rakkhe apne

mere dushman mere is jism se bahar kam hain

jo zindagī kī maañg sajāte rahe sadā

qistoñ meñ baañT kar unheñ jiinā diyā gayā

jo zindagi ki mang sajate rahe sada

qiston mein banT kar unhen jina diya gaya

maiñ jis lamhe ko zinda kar rahā huuñ muddatoñ se

vahī lamha mirā inkār karnā chāhtā hai

main jis lamhe ko zinda kar raha hun muddaton se

wahi lamha mera inkar karna chahta hai