zaḳhm-e-nigāh zaḳhm-e-hunar zaḳhm-e-dil ke ba.ad

ik aur zaḳhm tujh se bichhaḌ kar milā mujhe

zaKHm-e-nigah zaKHm-e-hunar zaKHm-e-dil ke baad

ek aur zaKHm tujh se bichhaD kar mila mujhe

mujhe hāsil kamāl-e-guftugū hai

ye maiñ huuñ yā mire lahje meñ tū hai

mujhe hasil kamal-e-guftugu hai

ye main hun ya mere lahje mein tu hai

kabhī ḳhayāl kī sūrat kabhī sabā kī tarah

vo kaun hai jo mire saath saath chaltā hai

kabhi KHayal ki surat kabhi saba ki tarah

wo kaun hai jo mere sath sath chalta hai

ravāñ-davāñ hai zindagī charāġh ke baġhair bhī

hai mere ghar meñ raushnī charāġh ke baġhair bhī

rawan-dawan hai zindagi charagh ke baghair bhi

hai mere ghar mein raushni charagh ke baghair bhi

jab tishnagī baḌhī to masīhā na thā koī

jab pyaas bujh ga.ī to samundar milā mujhe

jab tishnagi baDhi to masiha na tha koi

jab pyas bujh gai to samundar mila mujhe