sab kuchh ḳhudā se maañg liyā tujh ko maañg kar

uThte nahīñ haiñ haath mire is duā ke ba.ad

sab kuchh KHuda se mang liya tujh ko mang kar

uThte nahin hain hath mere is dua ke baad

goyā tumhārī yaad hī merā ilaaj hai

hotā hai pahroñ zikr tumhārā tabīb se

goya tumhaari yaad hi mera ilaj hai

hota hai pahron zikr tumhaara tabib se

yaad meñ terī jahāñ ko bhūltā jaatā huuñ maiñ

bhūlne vaale kabhī tujh ko bhī yaad aatā huuñ maiñ

yaad mein teri jahan ko bhulta jata hun main

bhulne wale kabhi tujh ko bhi yaad aata hun main

hashr meñ insāf hogā bas yahī sunte raho

kuchh yahāñ hotā rahā hai kuchh vahāñ ho jā.egā

hashr mein insaf hoga bas yahi sunte raho

kuchh yahan hota raha hai kuchh wahan ho jaega

go havā-e-gulsitāñ ne mire dil kī laaj rakh lī

vo naqāb ḳhud uThāte to kuchh aur baat hotī

go hawa-e-gulsitan ne mere dil ki laj rakh li

wo naqab KHud uThate to kuchh aur baat hoti