kya KHabar thi raaz-e-dil apna ayan ho jaega
kya KHabar thi raaz-e-dil apna ayan ho jaega
Agha Shayar Qazalbash
MORE BYAgha Shayar Qazalbash
kyā ḳhabar thī rāz-e-dil apnā ayaañ ho jā.egā
kyā ḳhabar thī aah kā shola zabāñ ho jā.egā
hashr hone de sitamgar ham dikhā deñge tujhe
pyārā pyārā ye garebāñ uñgliyāñ ho jā.egā
raat bhar kī haiñ bahāreñ sham.a kyā parvāna kyā
sub.h hote hote ruḳhsat kārvāñ ho jā.egā
hashr meñ insāf hogā bas yahī sunte raho
kuchh yahāñ hotā rahā hai kuchh vahāñ ho jā.egā
is ko kahte haiñ jahāñ meñ log sachchī ulfateñ
tiir jab dil se khichegā to kamāñ ho jā.egā
aaḌī sīdhī paḌtī haiñ nazreñ tumhīñ par aaj to
majma-e-tār-e-nazar kyā baddhiyāñ ho jā.egā
hai yahī rañg-e-suḳhan to 'shā.ir' shīrīñ-zabāñ
tū bhī ik din tūti-e-hindustāñ ho jā.egā
kya KHabar thi raaz-e-dil apna ayan ho jaega
kya KHabar thi aah ka shola zaban ho jaega
hashr hone de sitamgar hum dikha denge tujhe
pyara pyara ye gareban ungliyan ho jaega
raat bhar ki hain bahaaren shama kya parwana kya
subh hote hote ruKHsat karwan ho jaega
hashr mein insaf hoga bas yahi sunte raho
kuchh yahan hota raha hai kuchh wahan ho jaega
is ko kahte hain jahan mein log sachchi ulfaten
tir jab dil se khichega to kaman ho jaega
aaDi sidhi paDti hain nazren tumhin par aaj to
majma-e-tar-e-nazar kya baddhiyan ho jaega
hai yahi rang-e-suKHan to 'shair' shirin-zaban
tu bhi ek din tuti-e-hindustan ho jaega
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
