ab us pe chāñd sitāre bhī rashk karte haiñ

vo ik diyā jo kabhī dasht meñ bujhāyā gayā

ab us pe chand sitare bhi rashk karte hain

wo ek diya jo kabhi dasht mein bujhaya gaya

tere pahlū meñ zarā der ko sustā lūñgā

tujh tak aa pahuñchā agar niiñd meñ chaltā huā maiñ

tere pahlu mein zara der ko susta lunga

tujh tak aa pahuncha agar nind mein chalta hua main

ġhurūr-e-tishna-dahānī tirī baqā kī qasam

nadī hamāre laboñ kī taraf uchhaltī rahī

ghurur-e-tishna-dahani teri baqa ki qasam

nadi hamare labon ki taraf uchhalti rahi

magar maiñ zaat ke sahrā meñ mahv-e-raqs rahā

mujhe bhī koh-e-nidā kī taraf bulāyā gayā

magar main zat ke sahra mein mahw-e-raqs raha

mujhe bhi koh-e-nida ki taraf bulaya gaya

pairoñ se Takrāte haiñ jab jhoñke sard havāoñ ke

haath larazne lag jaate haiñ chamḌe ke dastānoñ meñ

pairon se Takraate hain jab jhonke sard hawaon ke

hath larazne lag jate hain chamDe ke dastanon mein