aañkh lagne na paa.ī sahar ho ga.ī

zindagī be-irāda basar ho ga.ī

aankh lagne na pai sahar ho gai

zindagi be-irada basar ho gai

ghaTā.eñ khul ke barsīñ thiiñ chaḌhe the dil ke dariyā bhī

chaḌhe dariyāoñ kā ik din utarnā bhī zarūrī thā

ghaTaen khul ke barsin thin chaDhe the dil ke dariya bhi

chaDhe dariyaon ka ek din utarna bhi zaruri tha

jab bhī aañkh lage maiñ dekhūñ ek suhānī sūrat

devī thī vo ruup kī raanī yā patthar kī mūrat

jab bhi aankh lage main dekhun ek suhani surat

dewi thi wo rup ki rani ya patthar ki murat

maat khaa.ī hai aksar shaah ne payāde se

farq kuchh nahīñ paḌtā taaj aur libāde se

mat khai hai aksar shah ne payaade se

farq kuchh nahin paDta taj aur libaade se

ye sahn-e-arz-e-haram hai ba-ehtiyāt qadam

bahut qarīb ḳhudā hai zarā sañbhal ke chalo

ye sahn-e-arz-e-haram hai ba-ehtiyat qadam

bahut qarib KHuda hai zara sanbhal ke chalo