dua

mujhe tere farmān kā paas hai

is liye maiñ

du'ā-go huuñ

maulā mire

tū mujhe itnī taufīq denā

ki

bātil ke aage

kabhī ḳham na ho sar mirā

mile jo ri'āyat kabhī mujh ko be-jā

to Thukrā duuñ us ko

mujhe itnī taufīq to de ḳhudāyā

ki

maiñ haq-o-bātil meñ tafrīq kar ke

sadā haq pasandoñ kī saf meñ rahūñ īstāda

mujhe itnī himmat 'atā kar ḳhudāyā

yazīdoñ kā har ik sitam jhel luuñ muskurā kar

magar aa.e laġhzish

na paaoñ meñ mere

mujhe tere farman ka pas hai

is liye main

du'a-go hun

maula mere

tu mujhe itni taufiq dena

ki

baatil ke aage

kabhi KHam na ho sar mera

mile jo ri'ayat kabhi mujh ko be-ja

to Thukra dun us ko

mujhe itni taufiq to de KHudaya

ki

main haq-o-baatil mein tafriq kar ke

sada haq pasandon ki saf mein rahun istada

mujhe itni himmat 'ata kar KHudaya

yazidon ka har ek sitam jhel lun muskura kar

magar aae laghzish

na paon mein mere