janm din se le kar shab-e-marg tak

janam-din se le kar shab-e-marg tak

maiñ lamhoñ kā charḳha ghumātā rahā

tīrgī raushnī phuul paude parinde ḳhizāñ nafrateñ chāhateñ titliyāñ

vaqt kā Dher kyā kyā ugaltā rahā

dil meñ andesha-e-maut paltā rahā

ek ḳhvāhish

jo hasrat meñ Dhaltī ga.ī

'umr bhar ek dhun

dā.imī zindagī

zindagī ko yahī rog khātā rahā

lafz likkhe banā.e dikhā.e bahut

gungunā.e bahut

harf bhī rā.egāñ

saut bhī rā.egāñ

ik yaqīn-e-gumāñ

maut paiham ravāñ

bas yahī baat shāyad rahe dā.imī

ik tamāshā.ī kī

ye tamāshā-garī

jo kahīñ duur baiThā

tamāshe kī Doreñ hilātā rahe

saañs aatā rahe

saañs jaatā rahe

janam-din se le kar shab-e-marg tak

main lamhon ka charKHa ghumata raha

tirgi raushni phul paude parinde KHizan nafraten chahaten titliyan

waqt ka Dher kya kya ugalta raha

dil mein andesha-e-maut palta raha

ek KHwahish

jo hasrat mein Dhalti gai

'umr bhar ek dhun

daimi zindagi

zindagi ko yahi rog khata raha

lafz likkhe banae dikhae bahut

gungunae bahut

harf bhi raegan

saut bhi raegan

ek yaqin-e-guman

maut paiham rawan

bas yahi baat shayad rahe daimi

ek tamashai ki

ye tamasha-gari

jo kahin dur baiTha

tamashe ki Doren hilata rahe

sans aata rahe

sans jata rahe