tamanna

mujhe tum se milne kī ummīd kab hai

ma.āl-e-masarrat kī tārīkiyoñ meñ

nahīñ ḳhud-farebī kā koī ujālā

mirā hausla sar ko zaanū pe rakkhe

ḳhajālat se muñh āstīñ meñ chhupā.e

baḌī der se siskiyāñ le rahā hai

kabhī aas kī phāñs dil meñ chubhī thī

so muddat huī TuuT kar rah ga.ī hai

mire dil meñ ik phuul ummīd kā thā

use vaqt ke haath ne noch Daalā

ab us zaḳhm se tajraba ris rahā hai

mirī ruuh kī chīḳh ubharne se pahle

laboñ par mire munjamid ho ga.ī hai

mire chāroñ atrāf ġham kā dhuāñ hai

magar ek sho'la bhaḌaktā hai dil meñ

lapaktī huī jis kī ḳhūnīñ zabāneñ

mirī ruuh ko chāTtī jā rahī haiñ

ye sho'la abhī tak yūñhī zau-fishāñ hai

na ummīd koī na koī sahārā

baġhāvat kī himmat na koshish kā yaarā

mirī bebasī mujh pe zāhir hai lekin

tumhārī tamanna tumhārī tamannā

mujhe tum se milne ki ummid kab hai

maal-e-masarrat ki tarikiyon mein

nahin KHud-farebi ka koi ujala

mera hausla sar ko zanu pe rakkhe

KHajalat se munh aastin mein chhupae

baDi der se siskiyan le raha hai

kabhi aas ki phans dil mein chubhi thi

so muddat hui TuT kar rah gai hai

mere dil mein ek phul ummid ka tha

use waqt ke hath ne noch Dala

ab us zaKHm se tajraba ris raha hai

meri ruh ki chiKH ubharne se pahle

labon par mere munjamid ho gai hai

mere chaaron atraf gham ka dhuan hai

magar ek sho'la bhaDakta hai dil mein

lapakti hui jis ki KHunin zabanen

meri ruh ko chaTti ja rahi hain

ye sho'la abhi tak yunhi zau-fishan hai

na ummid koi na koi sahaara

baghawat ki himmat na koshish ka yara

meri bebasi mujh pe zahir hai lekin

tumhaari tamanna tumhaari tamanna