mera ji
us kī āñkheñ us kī zulfeñ
aaj bhī mujh ko yaad haiñ jaise
maiñ ne un ko kal dekhā hai
āñkhoñ kā mā'sūm tajassus
aaj bhī un ko DhūñDh rahā hai
us kī tanhā.ī kā jangal
jin kī yaad se guuñj rahā hai
us ke chāhne vaale kyā kyā
us kā naam liyā karte the
us ke na.e purāne naġhme
us kī nasr-e-latīf ke TukḌe
us kī achhūtī dil-kash bāteñ
un kā rishta-e-jāñ thiiñ goyā
mujh ko un par rashk aatā thā
mujh ko us se 'ishq nahīñ thā
maiñ ik sharmīlā sā insāñ
us ke gītoñ kā dil-dāda
duur hī duur se
Darte Darte
us ko dekh liyā kartā thā
mujh ko us se 'ishq nahīñ thā
mujh ko us se 'ishq nahīñ hai
lekin phir bhī merī āñkheñ
un zulfoñ ko
un āñkhoñ ko
aaj bhī har-sū dekh rahī haiñ
aur vo āñkheñ
naġhma āñkheñ
hairāñ aur mutajassis āñkheñ
aañsū āñkheñ
har raste par aan khaḌī haiñ
aur har aane jaane vaale raahī se ye
pūchh rahī haiñ
aaj mire 'ushshāq kahāñ haiñ
aaj mire 'ushshāq kahāñ haiñ
us ki aankhen us ki zulfen
aaj bhi mujh ko yaad hain jaise
main ne un ko kal dekha hai
aankhon ka ma'sum tajassus
aaj bhi un ko DhunDh raha hai
us ki tanhai ka jangal
jin ki yaad se gunj raha hai
us ke chahne wale kya kya
us ka nam liya karte the
us ke nae purane naghme
us ki nasr-e-latif ke TukDe
us ki achhuti dil-kash baaten
un ka rishta-e-jaan thin goya
mujh ko un par rashk aata tha
mujh ko us se 'ishq nahin tha
main ek sharmila sa insan
us ke giton ka dil-dada
dur hi dur se
Darte Darte
us ko dekh liya karta tha
mujh ko us se 'ishq nahin tha
mujh ko us se 'ishq nahin hai
lekin phir bhi meri aankhen
un zulfon ko
un aankhon ko
aaj bhi har-su dekh rahi hain
aur wo aankhen
naghma aankhen
hairan aur mutajassis aankhen
aansu aankhen
har raste par aan khaDi hain
aur har aane jaane wale rahi se ye
puchh rahi hain
aaj mere 'ushshaq kahan hain
aaj mere 'ushshaq kahan hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
