id

tere hoñToñ pe hoñT kā mausam

terī zulfoñ kī chhāñv kā lamha

tere ruḳhsār tak rasā.ī kī

vo nashāt-āvare-o-sarshāre

tere jism-e-hasīñ kī hiddat se

vo mirī aañkh meñ paḌe Dore

terī āñkhoñ kī jhiil par jānam

merī pyāsī nazar kā jashn-e-tarab

mere hāthoñ meñ

tere hāthoñ kī

maḳhmalīñ ḳhvāb-gāh kī rāteñ

terī gardan kā saarā mai-ḳhāna

jān-e-jānāñ

mire tasarruf meñ itnā kuchh ho

to 'iid hotī hai

tere honTon pe honT ka mausam

teri zulfon ki chhanw ka lamha

tere ruKHsar tak rasai ki

wo nashat-aware-o-sarshaare

tere jism-e-hasin ki hiddat se

wo meri aankh mein paDe Dore

teri aankhon ki jhil par jaanam

meri pyasi nazar ka jashn-e-tarab

mere hathon mein

tere hathon ki

maKHmalin KHwab-gah ki raaten

teri gardan ka sara mai-KHana

jaan-e-jaanan

mere tasarruf mein itna kuchh ho

to 'id hoti hai