dua

ḳhudā-e-amn-o-āshtī

na.ī rutoñ meñ merī bastiyoñ pe bhej raushnī ke pārche

jo mahv-e-iztirāb hai vo ab sukūñ kā saañs le

ye bhuuk pyaas ḳhatm kar utaar sukh ke zā.iqe

uñDel ḳhush-gavāryāñ ujaal rang malgaje

jo surḳh chehre ġham kī lau se bujh gaye

utaar un pe tāzgī jamāl rang hausle

jo zang dhīre dhīre khā rahā hai e'tibār ko

vo rang ab ujaaḌ de

ḳhudā-e-amn-o-āshtī

na.ī rutoñ kī god meñ umang ho

vo sabzagī uge mirī zamīn meñ bahār jis ko dekh dekh dang ho

jo din tulū' ho yahāñ sunahrī us kā rang ho

jo shab yahāñ ho ḳhema-zan na.ī rutoñ kī ḳhush-gavār azaan us ke sang ho

mahak uThe umīd-e-e'tibār se mire vatan kī har galī

ḳhudā-e-amn-o-āshtī

KHuda-e-amn-o-ashti

nai ruton mein meri bastiyon pe bhej raushni ke parche

jo mahw-e-iztirab hai wo ab sukun ka sans le

ye bhuk pyas KHatm kar utar sukh ke zaiqe

unDel KHush-gawaryan ujal rang malgaje

jo surKH chehre gham ki lau se bujh gaye

utar un pe tazgi jamal rang hausle

jo zang dhire dhire kha raha hai e'tibar ko

wo rang ab ujaD de

KHuda-e-amn-o-ashti

nai ruton ki god mein umang ho

wo sabzagi uge meri zamin mein bahaar jis ko dekh dekh dang ho

jo din tulu' ho yahan sunahri us ka rang ho

jo shab yahan ho KHema-zan nai ruton ki KHush-gawar azan us ke sang ho

mahak uThe umid-e-e'tibar se mere watan ki har gali

KHuda-e-amn-o-ashti