main aur tum

tum jo sachchā.ī se aise bhaag rahe ho

jaise chechak chehre par rakkhī do āñkheñ

ā.īnoñ se bhaag rahī hoñ

tum ko sadiyoñ kī mahkūmī ne baḳhshā hai

jhuuT ko jiine kā ik lāzmī hissa kahnā

aur mirī āzād tabī'at jaise sahrā

jis meñ mīloñ duur talak bhī saaf dikhā.ī de saktā hai

mere bhaa.ī

ho saktā hai merī fitrat tum ko raas na aa.e

maiñ vo huuñ

jo tahzīboñ ke saare jhūTe makḌī jaale toḌ chukā hai

tum jo sachchai se aise bhag rahe ho

jaise chechak chehre par rakkhi do aankhen

aainon se bhag rahi hon

tum ko sadiyon ki mahkumi ne baKHsha hai

jhuT ko jine ka ek lazmi hissa kahna

aur meri aazad tabi'at jaise sahra

jis mein milon dur talak bhi saf dikhai de sakta hai

mere bhai

ho sakta hai meri fitrat tum ko ras na aae

main wo hun

jo tahzibon ke sare jhuTe makDi jale toD chuka hai