antar manthan

devtāoñ ne samundar ko mathā

zahr bhī us meñ milā

amrit bhī

zahr piine ke liye

ek hī haath baḌhā

devtāoñ ne samundar ko mathā

ek qatre ko magar kaun mathe

devtā mujh se baḌe haiñ to matheñ merī tarah

ek qatre ko zarā

zahr pī lene ko tayyār huuñ maiñ

indr-darbār meñ hai koī

jo aage baḌh kar

būñd-manthan kā uThā le beḌā

kis ne apne ko mathā

mere sivā

mere hī jaise divānoñ ke sivā

indr-darbār meñ koī nahīñ

sab uTh gaye

sannāTā hai

ab yahāñ koī nahīñ

koī nahīñ

koī nahīñ mere sivā

maiñ bahut duur se aayā thā ki koī hogā

devtāoñ ke nagar se to vahī merī zamīñ achchhī thī

dewtaon ne samundar ko matha

zahr bhi us mein mila

amrit bhi

zahr pine ke liye

ek hi hath baDha

dewtaon ne samundar ko matha

ek qatre ko magar kaun mathe

dewta mujh se baDe hain to mathen meri tarah

ek qatre ko zara

zahr pi lene ko tayyar hun main

indr-darbar mein hai koi

jo aage baDh kar

bund-manthan ka uTha le beDa

kis ne apne ko matha

mere siwa

mere hi jaise diwanon ke siwa

indr-darbar mein koi nahin

sab uTh gaye

sannaTa hai

ab yahan koi nahin

koi nahin

koi nahin mere siwa

main bahut dur se aaya tha ki koi hoga

dewtaon ke nagar se to wahi meri zamin achchhi thi