taj-mahal

hai kināre ye jamunā ke ik shāhkār

dekhnā chāñdnī meñ tum is kī bahār

yād-e-mumtāz meñ ye banāyā gayā

sañg-e-marmar se is ko tarāshā gayā

shāhjahāñ ne banāyā baḌe shauq se

barsoñ is ko sajāyā baḌe shauq se

haañ ye bhārat ke mahallāt kā taaj hai

sab ke dil pe isī kā sadā raaj hai

is kī kārī-garī hai baḌī be-misāl

vāqa.ī hai zamāna meñ ye lā-zavāl

ek shaffāf ā.īna samjhūñ na kyuuñ

is ko nargis kā gul-dasta kyuuñ na kahūñ

kyā miTā.egā naqsh is ke kaise koī

taaj 'hāfiz'-jī kyuuñ kar banā.e koī

hai kinare ye jamuna ke ek shahkar

dekhna chandni mein tum is ki bahaar

yaad-e-mumtaz mein ye banaya gaya

sang-e-marmar se is ko tarasha gaya

shahjahan ne banaya baDe shauq se

barson is ko sajaya baDe shauq se

han ye bhaarat ke mahallat ka taj hai

sab ke dil pe isi ka sada raj hai

is ki kari-gari hai baDi be-misal

waqai hai zamana mein ye la-zawal

ek shaffaf aaina samjhun na kyun

is ko nargis ka gul-dasta kyun na kahun

kya miTaega naqsh is ke kaise koi

taj 'hafiz'-ji kyun kar banae koi