afsos
maiñ niiñd meñ thā aur din aa kar guzar gayā
ab shaam ho ga.ī hai siyah mātamī sī shaam
phir us ke baa'd raat hai ik haul-nāk raat
phir sub.h hogī aur nihāyat hasīn sub.h
jo kuchh bhī hogā achchhā burā dekhā jā.egā
lekin ye ġham rahegā ki jo din guzar gayā
vo zindagī meñ phir kabhī vāpas na aa.egā
main nind mein tha aur din aa kar guzar gaya
ab sham ho gai hai siyah matami si sham
phir us ke ba'd raat hai ek haul-nak raat
phir subh hogi aur nihayat hasin subh
jo kuchh bhi hoga achchha bura dekha jaega
lekin ye gham rahega ki jo din guzar gaya
wo zindagi mein phir kabhi wapas na aaega
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
