raaz
dekhī tasvīr nirālī
do kaale haath savālī
do āñkheñ andhī ḳhālī
ye haath savālī kyuuñ haiñ
ye āñkheñ ḳhālī kyuuñ haiñ
ye bhed bahut gahrā hai
dīvār girā kar dekho
dīvār ke pīchhe kyā hai
sar miTTī chaaT rahe haiñ
dhaḌ qabroñ se nikle haiñ
baisākhī par chalte haiñ
ye baisākhī kaisī haiñ
aur saroñ pe kyā guzrī hai
ye bhed bahut gahrā hai
dīvār girā kar dekho
dīvār ke pīchhe kyā hai
dekhi taswir nirali
do kale hath sawali
do aankhen andhi KHali
ye hath sawali kyun hain
ye aankhen KHali kyun hain
ye bhed bahut gahra hai
diwar gira kar dekho
diwar ke pichhe kya hai
sar miTTi chaT rahe hain
dhaD qabron se nikle hain
baisakhi par chalte hain
ye baisakhi kaisi hain
aur saron pe kya guzri hai
ye bhed bahut gahra hai
diwar gira kar dekho
diwar ke pichhe kya hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
