chhabbis january

har saal jagmagātī hai chhabbīs january

har samt muskurātī hai chhabbīs january

sab ke diloñ ko bhātī hai chhabbīs january

shān-e-vatan dikhātī hai chhabbīs january

jantā kā dil baḌhātī hai chhabbīs january

haiñ bām-o-dar pe aaj tirañge lage hue

phūloñ se chaar samt haiñ raste saje hue

har sū imāratoñ pe haiñ dīpak jale hue

shān-e-vatan dikhātī hai chhabbīs january

jantā kā dil baḌhātī hai chhabbīs january

aa.iin apnā aaj ke din hī shurūa huā

jantā ko vote dene kā haq aaj hī milā

jamhūriyat ke naam kā Dañkā hī baj gayā

shān-e-vatan dikhātī hai chhabbīs january

jantā kā dil baḌhātī hai chhabbīs january

faujī qatār bāñdh ke aate haiñ raah meñ

sāmān-e-jang saath hī laate haiñ raah meñ

kartab bahādurī ke dikhāte haiñ raah meñ

shān-e-vatan dikhātī hai chhabbīs january

jantā kā dil baḌhātī hai chhabbīs january

dillī meñ saare hind se aatī haiñ jhāñkiyāñ

manzar riyāsatoñ ke dikhātī haiñ jhāñkiyāñ

aapas meñ ittihād baḌhātī haiñ jhāñkiyāñ

shān-e-vatan dikhātī hai chhabbīs january

jantā kā dil baḌhātī hai chhabbīs january

har sal jagmagati hai chhabbis january

har samt muskuraati hai chhabbis january

sab ke dilon ko bhati hai chhabbis january

shan-e-watan dikhati hai chhabbis january

janta ka dil baDhati hai chhabbis january

hain baam-o-dar pe aaj tirange lage hue

phulon se chaar samt hain raste saje hue

har su imaraton pe hain dipak jale hue

shan-e-watan dikhati hai chhabbis january

janta ka dil baDhati hai chhabbis january

aain apna aaj ke din hi shurua hua

janta ko wote dene ka haq aaj hi mila

jamhuriyat ke nam ka Danka hi baj gaya

shan-e-watan dikhati hai chhabbis january

janta ka dil baDhati hai chhabbis january

fauji qatar bandh ke aate hain rah mein

saman-e-jang sath hi late hain rah mein

kartab bahaduri ke dikhate hain rah mein

shan-e-watan dikhati hai chhabbis january

janta ka dil baDhati hai chhabbis january

dilli mein sare hind se aati hain jhankiyan

manzar riyasaton ke dikhati hain jhankiyan

aapas mein ittihad baDhati hain jhankiyan

shan-e-watan dikhati hai chhabbis january

janta ka dil baDhati hai chhabbis january