dast-e-hinai

yaqīñ rangoñ pe hai us ko

vo kahtī hai

mohabbat kī vazāhat rang karte haiñ

vo ab rangoñ ko dekhegī

ki kyā miqdār hai merī mohabbat kī

vo parkhegī

idhar maiñ huuñ

ki jaise tifl-e-maktab ho

jo baiThā muztarib ho ab natīja kyā nikaltā hai

udhar vo hai

ki jaise mumtahin koī mire parche ko thāme hai

mire pahlū meñ aa kar phir kahā us ne

mire dast-e-hinā.ī ko zarā dekho

hinā kā rang gahrā hai

tumhāre naam kī mehñdī batātī hai

tumheñ mujh se mohabbat hai

magar ye sochtā huuñ maiñ

yaqīñ rangoñ pe hai us ko

yaqin rangon pe hai us ko

wo kahti hai

mohabbat ki wazahat rang karte hain

wo ab rangon ko dekhegi

ki kya miqdar hai meri mohabbat ki

wo parkhegi

idhar main hun

ki jaise tifl-e-maktab ho

jo baiTha muztarib ho ab natija kya nikalta hai

udhar wo hai

ki jaise mumtahin koi mere parche ko thame hai

mere pahlu mein aa kar phir kaha us ne

mere dast-e-hinai ko zara dekho

hina ka rang gahra hai

tumhaare nam ki mehndi batati hai

tumhein mujh se mohabbat hai

magar ye sochta hun main

yaqin rangon pe hai us ko