tu jaanta hai

mujhe manzūr thī rāhat na sukūn-e-abdī

maiñ gunahgār mujhe soz-e-nihāñ kaafī thā

merī vārastagī-e-jāñ ko

jahān-e-guzarāñ kaafī thā

'ishrat-e-dard ko samjhā thā ḳhazīna apnā

maiñ ne sauñpā thā mohabbat ko safīnā apnā

tū ne dekhā mire māthe pe lahū kā qashqa

merī āzurda hathelī meñ lahū kī mehñdī

merī majbūr nigāhoñ meñ lahū kā nauha

merī chāhat bhī mire ḳhvāb bhī ġham bhī ghāyal

pas-e-zindāñ mire sarv-o-raihāñ

lāla-o-gul mire zanjīr-ba-kaf dekhe haiñ

jaane kis haath ne tū jāntā hai

mere āñgan ke ujāloñ meñ lahū ghol diyā

aur maiñ zinda huuñ

zindagī ke kahīñ mujh se bhī hadaf dekhe haiñ?

mujhe manzur thi rahat na sukun-e-abdi

main gunahgar mujhe soz-e-nihan kafi tha

meri warastagi-e-jaan ko

jahan-e-guzaran kafi tha

'ishrat-e-dard ko samjha tha KHazina apna

main ne saunpa tha mohabbat ko safina apna

tu ne dekha mere mathe pe lahu ka qashqa

meri aazurda hatheli mein lahu ki mehndi

meri majbur nigahon mein lahu ka nauha

meri chahat bhi mere KHwab bhi gham bhi ghayal

pas-e-zindan mere sarw-o-raihan

lala-o-gul mere zanjir-ba-kaf dekhe hain

jaane kis hath ne tu jaanta hai

mere aangan ke ujalon mein lahu ghol diya

aur main zinda hun

zindagi ke kahin mujh se bhi hadaf dekhe hain?