tin diwaron ka qaidi

niiñd hai yā ḳhvāb hai dīvār hai

jis meñ koī dar nahīñ

ik tikonī munhanī sī aur lachaktī

mom jaisī tah-ba-tah

munhadim hotī hai

na hī TūTtī hai

maiñ girā saktā nahīñ

karvaTeñ badlūñ agar to rāsta miltā nahīñ

haañ faqat dīvār hai

raushnī kā ruḳh badaltī saat rangoñ meñ use taqsīm kartī

aur maiñ

lamha-e-maujūd meñ jakḌā huā

tiin dīvāroñ kā qaidī

lamha lamha ḳhvāb meñ Dhaltā huā

haañ magar itnā yaqīñ hai

is taraf to maiñ hī maiñ huuñ

kyā ḳhabar bārīk had ke us taraf bhī

mere jaisā hī koī maujūd ho

qahqahe hoñ raushnī ho muḳhtalif se ḳhvāb hoñ

aur kuchh hañstī nigāheñ

be-sadā hoñToñ kī bāteñ

surma.ī saa.e bhī hoñ

ġhāliban sab kuchh vahīñ ho

kyā ḳhabar kuchh bhī na ho

nind hai ya KHwab hai diwar hai

jis mein koi dar nahin

ek tikoni munhani si aur lachakti

mom jaisi tah-ba-tah

munhadim hoti hai

na hi TuTti hai

main gira sakta nahin

karwaTen badlun agar to rasta milta nahin

han faqat diwar hai

raushni ka ruKH badalti sat rangon mein use taqsim karti

aur main

lamha-e-maujud mein jakDa hua

tin diwaron ka qaidi

lamha lamha KHwab mein Dhalta hua

han magar itna yaqin hai

is taraf to main hi main hun

kya KHabar barik had ke us taraf bhi

mere jaisa hi koi maujud ho

qahqahe hon raushni ho muKHtalif se KHwab hon

aur kuchh hansti nigahen

be-sada honTon ki baaten

surmai sae bhi hon

ghaaliban sab kuchh wahin ho

kya KHabar kuchh bhi na ho