kahan chali ai zindagi

kahāñ chalī ai zindagī

abhī to aañkh ḳhvāb ke sarāb kī amiin hai

kahīñ kahīñ se ab bhī rū-e-fikr dil-nashīn hai

abhī hamāre haath meñ junūñ kī morphine hai

harī-bharī kahīñ kahīñ nazar kī sar-zamīn hai

tire faqīr meñ dhaḌak rahī hai ab bhī sarḳhushī

kahāñ chalī ai zindagī

abhī to ashhab-e-ḳhayāl-o-fikr be-lagām hai

abhī tirā asiir mauj meñ hai ḳhush-ḳhirām hai

abhī lahū ke rang meñ fishār kā qayām hai

luTī piTī sadā meñ ab bhī hausle kā naam hai

abhī nazar kī putliyoñ meñ chīḳhtī hai raushnī

kahāñ chalī ai zindagī

tū kar sukūn se tabāh hausla faqīr kā

vujūd tak miTā zamīñ se be-navā faqīr kā

kuchh is tarah se dafn kar de zā.icha faqīr kā

koī na DhūñD paa.e phir nishān-e-pā faqīr kā

ise sazā vo de kisī ko jo kabhī nahīñ milī

kahāñ chalī ai zindagī

kahan chali ai zindagi

abhi to aankh KHwab ke sarab ki amin hai

kahin kahin se ab bhi ru-e-fikr dil-nashin hai

abhi hamare hath mein junun ki morphine hai

hari-bhari kahin kahin nazar ki sar-zamin hai

tere faqir mein dhaDak rahi hai ab bhi sarKHushi

kahan chali ai zindagi

abhi to ashhab-e-KHayal-o-fikr be-lagam hai

abhi tera asir mauj mein hai KHush-KHiram hai

abhi lahu ke rang mein fishaar ka qayam hai

luTi piTi sada mein ab bhi hausle ka nam hai

abhi nazar ki putliyon mein chiKHti hai raushni

kahan chali ai zindagi

tu kar sukun se tabah hausla faqir ka

wujud tak miTa zamin se be-nawa faqir ka

kuchh is tarah se dafn kar de zaicha faqir ka

koi na DhunD pae phir nishan-e-pa faqir ka

ise saza wo de kisi ko jo kabhi nahin mili

kahan chali ai zindagi