mohabbat
harārat basīrat kī zarroñ kī tābish
bhaḌakte hue zindagī ke sharāre
ye gulhā-e-rangīñ ye shādāb ġhunche
ye rangat ye shoḳhī ba-har-lāla-zāre
talātum talātum meñ kashtī kī hastī
samundar samundar kī tah aur kināre
falak aur falak se ye nūroñ kī bārish
ḳhat-e-kahkahshāñ māh-o-mehr aur sitāre
mohabbat se qaa.em hai saarī ḳhudā.ī
mohabbat ke 'unvāñ meñ Duube haiñ saare
hararat basirat ki zarron ki tabish
bhaDakte hue zindagi ke sharare
ye gulha-e-rangin ye shadab ghunche
ye rangat ye shoKHi ba-har-lala-zare
talatum talatum mein kashti ki hasti
samundar samundar ki tah aur kinare
falak aur falak se ye nuron ki barish
KHat-e-kahkahshan mah-o-mehr aur sitare
mohabbat se qaem hai sari KHudai
mohabbat ke 'unwan mein Dube hain sare
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
