mohabbat gar nahin hoti
mohabbat gar nahīñ hotī
kisī ke duur jaane se
ye dil tanhā nahīñ hotā
kisī ke ruuTh jaane se
aziyyat yuuñ nahīñ hotī
koī aa.e chalā jaa.e
ye dil ġhamgīñ nahīñ hotā
kisī kī diid kī hasrat
mujhe pāgal nahīñ kartī
kisī kī yaad meñ aksar
ye dil taḌpā nahīñ kartā
hamesha ḳhush hī rahtā maiñ
hañsī lab par sajī rahtī
ġhamoñ se duur hotā maiñ
mirī duniyā hasīñ hotī
koī saayā kisī ġham kā
mire sar par nahīñ hotā
mohabbat gar nahīñ hotī
mohabbat gar nahīñ hotī
mohabbat gar nahin hoti
kisi ke dur jaane se
ye dil tanha nahin hota
kisi ke ruTh jaane se
aziyyat yun nahin hoti
koi aae chala jae
ye dil ghamgin nahin hota
kisi ki did ki hasrat
mujhe pagal nahin karti
kisi ki yaad mein aksar
ye dil taDpa nahin karta
hamesha KHush hi rahta main
hansi lab par saji rahti
ghamon se dur hota main
meri duniya hasin hoti
koi saya kisi gham ka
mere sar par nahin hota
mohabbat gar nahin hoti
mohabbat gar nahin hoti
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
