lauTna paDa mujhko

baa'd ek 'arse ke

dekhā maiñ ne us ko jab

aisā lagtā thā jaise

āftāb āñgan meñ

yuuñ hī ho utar aayā

be-naqāb thā chehra

zulf bikhrī thī us par

aur libās kaalā thā

us kī āñkhoñ meñ kājal

thā sajā huā aise

jaise kaalī āñdhī meñ

ḳhuub saarī bārish ho

abrū aise the jaise

nok-dār talvāreñ

muḳhtasar ye kahtā huuñ

saare naqsh behtar the

dil ne ye kahā mujh se

hāl-e-dil bayāñ kar de

kab talak rahegā tū

aise ajnabī ban kar

hāl-e-dil sunā us ko

aur sabhī 'ayāñ kar de

par maiñ Thahrā thā buzdil

keh na paayā hāl-e-dil

kar bhī saktā kyā thā maiñ

ḳhair ho bhī kyā jaatā

le ke apne armāñ ko

lauTnā paḌā mujh ko

ḳhvāb yuuñ hī bikhre the

TuuT sā gayā dil bhī

dil ko le ke hāthoñ meñ

lauTnā paḌā mujh ko

ba'd ek 'arse ke

dekha main ne us ko jab

aisa lagta tha jaise

aaftab aangan mein

yun hi ho utar aaya

be-naqab tha chehra

zulf bikhri thi us par

aur libas kala tha

us ki aankhon mein kajal

tha saja hua aise

jaise kali aandhi mein

KHub sari barish ho

abru aise the jaise

nok-dar talwaren

muKHtasar ye kahta hun

sare naqsh behtar the

dil ne ye kaha mujh se

haal-e-dil bayan kar de

kab talak rahega tu

aise ajnabi ban kar

haal-e-dil suna us ko

aur sabhi 'ayan kar de

par main Thahra tha buzdil

keh na paya haal-e-dil

kar bhi sakta kya tha main

KHair ho bhi kya jata

le ke apne arman ko

lauTna paDa mujh ko

KHwab yun hi bikhre the

TuT sa gaya dil bhi

dil ko le ke hathon mein

lauTna paDa mujh ko