urdu zaban

naġhma-e-e'jāz hai urdu zabāñ

ḳhush-lahn ḳhush-sāz hai urdu zabāñ

kitnī shīrīñ kitnī dil-kash pur-latīf

aap kī āvāz hai urdu zabāñ

kab khule be-'ilm par is ke rumūz

ḳhūb-sūrat raaz hai urdu zabāñ

nāqidoñ ne bhī banāyā bā-kamāl

ehtishām e'jāz hai urdu zabāñ

saḳht-dil ko mom kar detī hai ye

pur-asar andāz hai urdu zabāñ

is kī lai par ḳhuub lahrā.ī ġhazal

haañ jigar kā saaz hai urdu zabāñ

dekhiye qirtās par 'aib-o-hunar

sāhab-e-ġhammāz hai urdu zabāñ

taaj kī mānind hai ye ḳhush-numā

shah-jahāñ mumtāz hai urdu zabāñ

mahfiloñ meñ sab se kahte the 'firāq'

dil-nashīñ āvāz hai urdu zabāñ

ḳhud sahīfe kar rahe haiñ inkishāf

daulat-e-shīrāz hai urdu zabāñ

'mīr'-o-'momin' aur 'ġhālib' haiñ 'zafar'

jin pe kartī naaz hai urdu zabāñ

naghma-e-e'jaz hai urdu zaban

KHush-lahn KHush-saz hai urdu zaban

kitni shirin kitni dil-kash pur-latif

aap ki aawaz hai urdu zaban

kab khule be-'ilm par is ke rumuz

KHub-surat raaz hai urdu zaban

naqidon ne bhi banaya ba-kamal

ehtisham e'jaz hai urdu zaban

saKHt-dil ko mom kar deti hai ye

pur-asar andaz hai urdu zaban

is ki lai par KHub lahrai ghazal

han jigar ka saz hai urdu zaban

dekhiye qirtas par 'aib-o-hunar

sahab-e-ghammaz hai urdu zaban

taj ki manind hai ye KHush-numa

shah-jahan mumtaz hai urdu zaban

mahfilon mein sab se kahte the 'firaq'

dil-nashin aawaz hai urdu zaban

KHud sahife kar rahe hain inkishaf

daulat-e-shiraaz hai urdu zaban

'mir'-o-'momin' aur 'ghaalib' hain 'zafar'

jin pe karti naz hai urdu zaban