pas-e-hulqum dil bujhati aziyyat
dard hijrat kī rāhoñ kā maarā huā
yaad nas nas meñ fitne pirotī huī
ḳhastagī be-had-o-be-bahā ḳhastagī
ḳhvāb kā bojh āñkhoñ meñ Dhotī huī
dil munājāt ke ġham ko sahtā huā
aañkh ehsās kā karb Dhotī huī
niiñd ke āñganoñ meñ dharī ḳhāmushī
ek be-bas tamannā pe rotī huī
sun sake kyā mirī zaat ke marsiye
ḳhalq sotī huī
merī āñkhoñ ko dīmak lagī hijr kī
mere ḳhvāboñ ko mismār tū ne kiyā
aarzū dafn hotī ga.ī karb meñ
har tamannā ko be-kār tū ne kiyā
maiñ ki khilte gulāboñ kī mahkār thā
merī ḳhushbū ko angār tū ne kiyā
merī āñkhoñ meñ aflāk ke ḳhvāb the
mujh ko pastī se do-chār tū ne kiyā
tujh se kahtā huuñ al-muḳhtasar bheḌ de
ab ye dar bheḌ de
dard hijrat ki rahon ka mara hua
yaad nas nas mein fitne piroti hui
KHastagi be-had-o-be-baha KHastagi
KHwab ka bojh aankhon mein Dhoti hui
dil munajat ke gham ko sahta hua
aankh ehsas ka karb Dhoti hui
nind ke aanganon mein dhari KHamushi
ek be-bas tamanna pe roti hui
sun sake kya meri zat ke marsiye
KHalq soti hui
meri aankhon ko dimak lagi hijr ki
mere KHwabon ko mismar tu ne kiya
aarzu dafn hoti gai karb mein
har tamanna ko be-kar tu ne kiya
main ki khilte gulabon ki mahkar tha
meri KHushbu ko angar tu ne kiya
meri aankhon mein aflak ke KHwab the
mujh ko pasti se do-chaar tu ne kiya
tujh se kahta hun al-muKHtasar bheD de
ab ye dar bheD de
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
