koh-e-nida ka bulawa
aaj bhī saarā din vo bhaTaktā rahā
ek ik dar pe jā jā ke kahtā rahā
naukrī naukrī naukrī
us ne do roz se
kuchh bhī khāyā na thā
aur phir aaj bhī
din yūñhī Dhal gayā
zindagī se vo bezār sā ho gayā
ik jagah baiTh kar soch meñ kho gayā
zindagī zindagī zindagī
zindagī ro paḌī
aur phir yak-ba-yak ek āvāz sī
us ke kānoñ meñ is tarh aane lagī
yā aḳhī yā aḳhī yā aḳhī
daf'atan vo uThā
aur jaane lagā
zer-e-lab is tarah baḌbaḌātā huā
ḳhud-kushī ḳhud-kushī ḳhud-kushī
aaj bhi sara din wo bhaTakta raha
ek ek dar pe ja ja ke kahta raha
naukri naukri naukri
us ne do roz se
kuchh bhi khaya na tha
aur phir aaj bhi
din yunhi Dhal gaya
zindagi se wo bezar sa ho gaya
ek jagah baiTh kar soch mein kho gaya
zindagi zindagi zindagi
zindagi ro paDi
aur phir yak-ba-yak ek aawaz si
us ke kanon mein is tarh aane lagi
ya aKHi ya aKHi ya aKHi
daf'atan wo uTha
aur jaane laga
zer-e-lab is tarah baDbaData hua
KHud-kushi KHud-kushi KHud-kushi
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
