tumhaara kya wasta hai

mire mizāj kā ye ‘ijz-o-inkisār ye dard

vafūr-e-kaifiyat meñ kam udāsiyāñ merī

kushāda-dast-o-tahī-jeb sair-chashm-o-gadā

‘atā-e-ḳhās haiñ vāmāñda-hāliyāñ merī

ye darguzar kī sifat ye firotanī kī adā

har ik se rasm-o-rah-e-dil-dahī nibhā.e hue

barahna-pā huuñ ki kāñToñ kā pās-e-ḳhātir hai

ḳhamīda-pusht huuñ bār-e-jahāñ uThā.e hue

tumhārā vāsta kyā hai ki pā-ba-gil huuñ maiñ

vagarna khel hī saarā bigaḌ chukā hotā

girā hī detā ye dīvār-e-āb-o-rang ab tak

maiñ is jahāñ se bahut pahle laḌ chukā hotā

mere mizaj ka ye ‘ijz-o-inkisar ye dard

wafur-e-kaifiyat mein kam udasiyan meri

kushada-dast-o-tahi-jeb sair-chashm-o-gada

‘ata-e-KHas hain wamanda-haaliyan meri

ye darguzar ki sifat ye firotani ki ada

har ek se rasm-o-rah-e-dil-dahi nibhae hue

barahna-pa hun ki kanTon ka pas-e-KHatir hai

KHamida-pusht hun bar-e-jahan uThae hue

tumhaara wasta kya hai ki pa-ba-gil hun main

wagarna khel hi sara bigaD chuka hota

gira hi deta ye diwar-e-ab-o-rang ab tak

main is jahan se bahut pahle laD chuka hota