aakash mein shabd
to kyā mere baare meñ tum bhī yahī sochtī ho
hazāroñ baras kī rafāqat ġhalat
maiñ ne maanā
ki lamhoñ ke jaadū kā sangīt maiñ ne sunā hai
magar us samundar se pūchho
jise ek hī ghūñT meñ pī gayā thā
agar dekhnā chāhtī ho
to ruḳhsār par chāñd ke
mere bose kā maddham nishāñ
aaj bhī merī jur.at pe haibat-zada hai
agar ho sake to
kisī tez ḳhanjar se nas nas mirī kaaT do
aur lahū saarā sahrāoñ ko baḳhsh do
aur suno
ik latīfa suno
jab mirī laash par raqs karte hue
thak ke girne lagogī
to ḳhud ko mire bāzuoñ meñ taḌaptā huā pāogī
to kya mere bare mein tum bhi yahi sochti ho
hazaron baras ki rafaqat ghalat
main ne mana
ki lamhon ke jadu ka sangit main ne suna hai
magar us samundar se puchho
jise ek hi ghunT mein pi gaya tha
agar dekhna chahti ho
to ruKHsar par chand ke
mere bose ka maddham nishan
aaj bhi meri jurat pe haibat-zada hai
agar ho sake to
kisi tez KHanjar se nas nas meri kaT do
aur lahu sara sahraon ko baKHsh do
aur suno
ek latifa suno
jab meri lash par raqs karte hue
thak ke girne lagogi
to KHud ko mere bazuon mein taDapta hua paogi
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
