aarzu

har taraf ḳhamoshī ho

sub.h-e-nau bahārāñ ho

yā nasīm-e-saharī ho

dil-rubā nazārā ho

dopahar kī garmī ho

shaam ho december kī

har taraf añdherā ho

taare jhilmilāte hoñ

raat jagmagātī ho

dostoñ ke jhurmaT meñ

ḳhalvatoñ ke mausam meñ

dard-e-lā-davā uTThe

shahr kī ḳhamoshī meñ

harf-e-be-sadā uTThe

be-tarah udāsī ho

fursateñ mayassar hoñ

kaun se makāñ se bhī

suud se ziyāñ se bhī

kuchh samajh na aa.e jab

kuchh bhī ban na paa.e jab

dil kī aarzū hai ye

yād-e-yār miT jaa.e

us ko bhuul jaa.eñ ham

har taraf KHamoshi ho

subh-e-nau bahaaran ho

ya nasim-e-sahari ho

dil-ruba nazara ho

dopahar ki garmi ho

sham ho december ki

har taraf andhera ho

tare jhilmilate hon

raat jagmagati ho

doston ke jhurmaT mein

KHalwaton ke mausam mein

dard-e-la-dawa uTThe

shahr ki KHamoshi mein

harf-e-be-sada uTThe

be-tarah udasi ho

fursaten mayassar hon

kaun se makan se bhi

sud se ziyan se bhi

kuchh samajh na aae jab

kuchh bhi ban na pae jab

dil ki aarzu hai ye

yaad-e-yar miT jae

us ko bhul jaen hum