sathi

tum bhī chale the sū-e-dar ham bhī chale the sū-e-dar

tum bhī uThe ba-chashm-e-nam ham bhī baḌhe ba-ashk-e-tar

tum bhī vafā-shanās the ham bhī vafā-shi'ār the

ham bhī gaye the sar-ba-kaf tum bhī jigar-figār the

tum bhī the ābrū-e-gul ham bhī the ġhairat-e-saman

tum bhī darīda-jaib the ham bhī the chāk-pairahan

yaad to hogā tum ko bhī kitnī lagan kā saath thā

chāhateñ bhī thiiñ qurb bhī haath meñ apne haath thā

jab bhī chale haiñ saath ham gām-ba-gām the baham

mā'raka-e-dil-o-nazar apne hī ḳhuuñ se hai raqam

shauq vahī tapish vahī dard vahī ḳhalish vahī

manzil-e-ārzū vahī raah vahī ravish vahī

phir bhī khiñche khiñche se ho phir bhī ruke ruke se ho

ek hai qissa-e-junūñ phir bhī liye-diye se ho

tum bhi chale the su-e-dar hum bhi chale the su-e-dar

tum bhi uThe ba-chashm-e-nam hum bhi baDhe ba-ashk-e-tar

tum bhi wafa-shanas the hum bhi wafa-shi'ar the

hum bhi gaye the sar-ba-kaf tum bhi jigar-figar the

tum bhi the aabru-e-gul hum bhi the ghairat-e-saman

tum bhi darida-jaib the hum bhi the chaak-pairahan

yaad to hoga tum ko bhi kitni lagan ka sath tha

chahaten bhi thin qurb bhi hath mein apne hath tha

jab bhi chale hain sath hum gam-ba-gam the baham

ma'raka-e-dil-o-nazar apne hi KHun se hai raqam

shauq wahi tapish wahi dard wahi KHalish wahi

manzil-e-arzu wahi rah wahi rawish wahi

phir bhi khinche khinche se ho phir bhi ruke ruke se ho

ek hai qissa-e-junun phir bhi liye-diye se ho