etiraf

tirī vafā ne mujhe kar liyā qubūl magar

mire junūñ se mohabbat kā haq adā na huā

tire ġhamoñ ne mire har nashāt ko samjhā

mirā nashāt tire ġham se āshnā na huā

kahāñ kahāñ na mire paaoñ laḌkhaḌā.e magar

tirā sabāt 'ajab thā ki hādsa na huā

hazār dashna-o-ḳhanjar the merī bātoñ meñ

tirī zabāñ pe kabhī harf-e-nā-ravā na huā

bahut ghaTī tirī rahmat to be-panāh banī

bahut huā mirā maslak to munsifāna huā

tire dukhoñ ne pukārā to maiñ qarīb na thā

mire ġhamoñ ne sadā dī to fāsla na huā

hazār tīrgiyāñ muztarib rahīñ lekin

charāġh apne ujāloñ se be-vafā na huā

tire majāz meñ us ke liye parastish thī

ḳhudā kā naam liye jis ko ik zamāna huā

mirī siyāhī-e-dāman ko dekhne par bhī

tire safed dupaTToñ kā dil baḌā na huā

ḳhazaf kī jeb meñ kyā thā sivā.e kam-yābī

bas ek gauhar-e-nāyāb se ḳhazāna huā

teri wafa ne mujhe kar liya qubul magar

mere junun se mohabbat ka haq ada na hua

tere ghamon ne mere har nashat ko samjha

mera nashat tere gham se aashna na hua

kahan kahan na mere paon laDkhaDae magar

tera sabaat 'ajab tha ki hadsa na hua

hazar dashna-o-KHanjar the meri baaton mein

teri zaban pe kabhi harf-e-na-rawa na hua

bahut ghaTi teri rahmat to be-panah bani

bahut hua mera maslak to munsifana hua

tere dukhon ne pukara to main qarib na tha

mere ghamon ne sada di to fasla na hua

hazar tirgiyan muztarib rahin lekin

charagh apne ujalon se be-wafa na hua

tere majaz mein us ke liye parastish thi

KHuda ka nam liye jis ko ek zamana hua

meri siyahi-e-daman ko dekhne par bhi

tere safed dupaTTon ka dil baDa na hua

KHazaf ki jeb mein kya tha siwae kam-yabi

bas ek gauhar-e-nayab se KHazana hua