baaten

kuchh din phuul mahakte haiñ

kuchh din ḳhushbū rahtī hai

kuchh din abr barastā hai

kuchh din naddī bahtī hai

vo din yaad nahīñ rahte

dil par jab ik choT paḌī

parbat patthar raakh hue

panchhī kaliyāñ ḳhushbūeñ

saare manzar raakh hue

rāteñ aag meñ Dhaltī haiñ

din bhī sulagte rahte haiñ

aañsū dil ke sahrā meñ

chup chup reñgte rahte haiñ

kuchh din yuuñ bhī biit ga.e

kitne phuul mahakte haiñ

yādoñ ke vīrāne meñ

kaise kaise moḌ mile

chhoTe se afsāne meñ

kitnī sadiyāñ Duub ga.iiñ

vaqt ke ik paimāne meñ

jo din yaad nahīñ rahte

vo bhī yaad se rahte haiñ

jaise nāTak meñ kuchh log

rang badalte rahte haiñ

dukh aur sukh ke sūraj chāñd

aate jaate rahte haiñ

kuchh din phul mahakte hain

kuchh din KHushbu rahti hai

kuchh din abr barasta hai

kuchh din naddi bahti hai

wo din yaad nahin rahte

dil par jab ek choT paDi

parbat patthar rakh hue

panchhi kaliyan KHushbuen

sare manzar rakh hue

raaten aag mein Dhalti hain

din bhi sulagte rahte hain

aansu dil ke sahra mein

chup chup rengte rahte hain

kuchh din yun bhi bit gae

kitne phul mahakte hain

yaadon ke virane mein

kaise kaise moD mile

chhoTe se afsane mein

kitni sadiyan Dub gain

waqt ke ek paimane mein

jo din yaad nahin rahte

wo bhi yaad se rahte hain

jaise naTak mein kuchh log

rang badalte rahte hain

dukh aur sukh ke suraj chand

aate jate rahte hain