ham jo yuuñ phir rahe haiñ ghabrā.e
āḳhrī baar un se mil aa.e
yuuñ gale lag ke ho liye ruḳhsat
an-kahī baat kī miTī hasrat
jo bhī tanhā.iyoñ meñ sochī thiiñ
khul ke vo saarī bāteñ keh Dālīñ
aur jo kahne se thī zabāñ lā-chār
keh ga.ī chor garmi-e-ruḳhsār
zulmat-e-ġham meñ dil charāġh banā
lāla-e-ruḳh pe ashk daaġh banā
keh diyā chupke chupke ro ro ke
haar maanī hai ham ne duniyā se
saare dā've vafā ke ḳhatm hue
ham nahīñ ek dūsre ke liye
ghar ke qisse bayān hote rahe
apnī majbūriyoñ pe rote rahe
jaan kī dī qasam ki shaad raheñ
iltijā kī ki bhuul jaa.eñ hameñ
thaam kar haath un se qaul liyā
byaah kar leñge vo kahīñ apnā
male hasrat se juuñ lab-e-afsos
rah gaye apne apne dil ko masos
jānte the ki ab na dekheñge
paas se un kī shakl takte the
thartharāte laboñ se de ke du'ā
'umr bhar ke liye vidā' kiyā
magar ab tak ye soch hai dil meñ
un se ik baar aur mil aa.eñ
hum jo yun phir rahe hain ghabrae
aaKHri bar un se mil aae
yun gale lag ke ho liye ruKHsat
an-kahi baat ki miTi hasrat
jo bhi tanhaiyon mein sochi thin
khul ke wo sari baaten keh Dalin
aur jo kahne se thi zaban la-chaar
keh gai chor garmi-e-ruKHsar
zulmat-e-gham mein dil charagh bana
lala-e-ruKH pe ashk dagh bana
keh diya chupke chupke ro ro ke
haar mani hai hum ne duniya se
sare da'we wafa ke KHatm hue
hum nahin ek dusre ke liye
ghar ke qisse bayan hote rahe
apni majburiyon pe rote rahe
jaan ki di qasam ki shad rahen
iltija ki ki bhul jaen hamein
tham kar hath un se qaul liya
byah kar lenge wo kahin apna
male hasrat se jun lab-e-afsos
rah gaye apne apne dil ko masos
jaante the ki ab na dekhenge
pas se un ki shakl takte the
thartharaate labon se de ke du'a
'umr bhar ke liye wida' kiya
magar ab tak ye soch hai dil mein
un se ek bar aur mil aaen
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
