yak-atisha

bachchoñ kī tarah vo hañstī hai gaatī hai shor machātī hai

hañstī hai to hañstī jaatī hai rotī hai to rotī jaatī hai

vo bholī-bhālī laḌkī hai yā koī nadī barsātī hai

sāñsoñ meñ baas hai phūloñ kī aur bātoñ meñ hariyālī hai

mukhḌe pe chhalaktī hai laalī man krodh kapaT se ḳhālī hai

vo surḳh gulāb kī beTī hai komal kaliyoñ kī Daalī hai

āñkheñ haiñ sharārat ke sho'le har pal meñ aag lagāte haiñ

ye sho'le rang-birange haiñ ye dil kī lagī bhaḌkāte haiñ

jo in kī zad meñ aatā hai ye us kī chitā banāte haiñ

maiñ jab bhī is ko dekhtā huuñ bas sochtā hī rah jaatā huuñ

ik aañch mujhe samjhātī hai ik aañch ko maiñ samjhātā huuñ

ai vaqt kī andhī lahr Thahr maiñ aatā huuñ maiñ aatā huuñ

bachchon ki tarah wo hansti hai gati hai shor machati hai

hansti hai to hansti jati hai roti hai to roti jati hai

wo bholi-bhaali laDki hai ya koi nadi barsati hai

sanson mein bas hai phulon ki aur baaton mein hariyali hai

mukhDe pe chhalakti hai lali man krodh kapaT se KHali hai

wo surKH gulab ki beTi hai komal kaliyon ki Dali hai

aankhen hain shararat ke sho'le har pal mein aag lagate hain

ye sho'le rang-birange hain ye dil ki lagi bhaDkate hain

jo in ki zad mein aata hai ye us ki chita banate hain

main jab bhi is ko dekhta hun bas sochta hi rah jata hun

ek aanch mujhe samjhati hai ek aanch ko main samjhata hun

ai waqt ki andhi lahr Thahr main aata hun main aata hun