shar

ek sho'la hai jo bhaḌke to zamāne bhar meñ

zindagī naam kī har shai ko bhasam kar Daale

ek qatra hai jo biphre to kuhistānoñ ko

ḳhas-o-ḳhāshāk kī mānind bahā le jaa.e

ek zarra hai jo phaile to 'anāsir kā lahū

kisī ḳhūñḳhār darinde kī tarah pī jaa.e

lekin us sho'le ko us qatre ko us zarre ko

aadmī tābe’-e-farmān banā saktā hai

sub.h-dam phuul se lipTī huī shabnam kī qasam

aadmī kufr ko īmān banā saktā hai

ek sho'la hai jo bhaDke to zamane bhar mein

zindagi nam ki har shai ko bhasam kar Dale

ek qatra hai jo biphre to kuhistanon ko

KHas-o-KHashak ki manind baha le jae

ek zarra hai jo phaile to 'anasir ka lahu

kisi KHunKHar darinde ki tarah pi jae

lekin us sho'le ko us qatre ko us zarre ko

aadmi tabe’-e-farman bana sakta hai

subh-dam phul se lipTi hui shabnam ki qasam

aadmi kufr ko iman bana sakta hai