hum aa rahe hain
havā ke jhoñkoñ
garaj kī lahroñ
chamaktī bijlī ke surḳh koḌoñ
se bhī subuk-tar
ham aa rahe haiñ
tumhārī shādāb khetiyoñ ko
ġhanīm kī aag se bachāne
tumhārī gul-rang vādiyoñ par
jamī huī zardiyoñ
ke saffāk pāsbānoñ kī raakh uḌāne
ham aa rahe haiñ
hamārī nazreñ haiñ barq-e-ḳhātif
hamāre baazū damakte ḳhanjar
usī yaḳh-ālūd raat ke āḳhrī pahar meñ
bahār ke ḳhush-gavār sūraj kī dhuup ban kar
ham aa rahe haiñ
hawa ke jhonkon
garaj ki lahron
chamakti bijli ke surKH koDon
se bhi subuk-tar
hum aa rahe hain
tumhaari shadab khetiyon ko
ghanim ki aag se bachane
tumhaari gul-rang wadiyon par
jami hui zardiyon
ke saffak pasbanon ki rakh uDane
hum aa rahe hain
hamari nazren hain barq-e-KHatif
hamare bazu damakte KHanjar
usi yaKH-alud raat ke aaKHri pahar mein
bahaar ke KHush-gawar suraj ki dhup ban kar
hum aa rahe hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
