identity crisis
āsmān-o-zamīñ
muḳhtalif samt kī gardishoñ ke sabab
zindagānī kī chakkī ke do paaT haiñ
in ke mābain pista huā aadmī
aadmī āsmāñ ke mutābiq falak-zād thā
us kā mansab zamīnī ḳhurāfāt se
māvarā thā magar
us ne ḳhud ko ḳhabā.is kā mujrim kiyā
us kā ḳhākī badan ruuh par fauqiyat le gayā
is binā par vo mere ġhazab kā sazā-vār hai
aur zamīñ to ba-zid hai isī baat par
aadmī mujh meñ ābād hai
merā hamrāz hai merā dam-sāz hai
aadmī kuchh nahīñ hai faqat ḳhaak hai
jab kabhī ḳhaak se apnī buniyād se
aadmī ne baġhāvat kā sochā agar
āsmāñ kī taraf jo uThā.ī nazar
to mire qahr ne
quvvat-e-dahr ne
us kī sochoñ kī bāgeñ faqat ek jhaTke se apnī taraf khīñch liiñ
aadmī āsmān-o-zamīñ kī kashākash meñ piste hue sochtā hai
ki maiñ kaun huuñ
aasman-o-zamin
muKHtalif samt ki gardishon ke sabab
zindagani ki chakki ke do paT hain
in ke mabain pista hua aadmi
aadmi aasman ke mutabiq falak-zad tha
us ka mansab zamini KHurafat se
mawara tha magar
us ne KHud ko KHabais ka mujrim kiya
us ka KHaki badan ruh par fauqiyat le gaya
is bina par wo mere ghazab ka saza-war hai
aur zamin to ba-zid hai isi baat par
aadmi mujh mein aabaad hai
mera hamraaz hai mera dam-saz hai
aadmi kuchh nahin hai faqat KHak hai
jab kabhi KHak se apni buniyaad se
aadmi ne baghawat ka socha agar
aasman ki taraf jo uThai nazar
to mere qahr ne
quwwat-e-dahr ne
us ki sochon ki bagen faqat ek jhaTke se apni taraf khinch lin
aadmi aasman-o-zamin ki kashakash mein piste hue sochta hai
ki main kaun hun
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
