ہولی ہے

بھیگے چولی ٹوٹے گاگر ہولی ہے

آج تمہیں چھیڑیں گے جم کر ہولی ہے

آسمان بھی نیلا لال گلابی ہے

اندردھنش اترا ہے گھر گھر ہولی ہے

میراؔ اور رادھا دونوں کی اچھا ہے

مرلی بجاؤ مرلی منوہر ہولی ہے

رنگوں نے پہچان مٹا دی ہے سب کی

راجا پرجا ایک برابر ہولی ہے

بندش آج نہیں کوئی دل والوں پر

آنگن میں کھیلو یا چھت پر ہولی ہے

ورنداون میں رنگ ہیں بکھرے ٹیسو کے

مرلی دھر کی پریم دھروہر ہولی ہے

آج سبھی کو پیار کے رنگوں میں رنگ دیں

جھومیں بھانگ کے لڈو کھا کر ہولی ہے