raziya sultana

ziist hai kār-gah-e-āhan-gar

jān-sozi hai yahāñ asl hunar

maiñ ne tārīḳh meñ likkhā ḳhuuñ se

taḳht hotā nahīñ jāgīr-e-pisar

maiñ ne is taḳht ko zīnat baḳhshī

maiñ ne badlā hai zamāne kā safar

dast-e-taqdīr nigūñ ho jaa.e

gar ho tadbīr meñ himmat kā asar

jazba-e-shauq meñ ai ahl-e-jahāñ

be-ḳhudī sab se fuzūñ-tar hai sipar

dam-e-shamshīr se hotī hai 'atā

ġhairat-e-qaum nahīñ hāsil-e-zar

tīrgī hai sifat-e-ahl-e-jafā

nūr-e-āfāq hai 'āshiq kā jigar

maut tamġha hai unhī lāshoñ kā

ruuh meñ jin ke hai īqāñ kā guhar

zist hai kar-gah-e-ahan-gar

jaan-sozi hai yahan asl hunar

main ne tariKH mein likkha KHun se

taKHt hota nahin jagir-e-pisar

main ne is taKHt ko zinat baKHshi

main ne badla hai zamane ka safar

dast-e-taqdir nigun ho jae

gar ho tadbir mein himmat ka asar

jazba-e-shauq mein ai ahl-e-jahan

be-KHudi sab se fuzun-tar hai sipar

dam-e-shamshir se hoti hai 'ata

ghairat-e-qaum nahin hasil-e-zar

tirgi hai sifat-e-ahl-e-jafa

nur-e-afaq hai 'ashiq ka jigar

maut tamgha hai unhi lashon ka

ruh mein jin ke hai iqan ka guhar