ek mujassama

lauh-e-ahkām huī ek hī jhaTke meñ do laḳht

dekhā jaatā na thā paiġhambar-e-sīnā kā jalāl

lab safed āñkheñ tapāñ ruḳh se 'ayāñ sadma-e-saḳht

aur un āñkhoñ se ubaltā huā ik qahr-e-'azīm

sho’la-dar-sho’la ravāñ sū-e-banī-isrā.īl

tum vo bad-baḳht ki Thukrāte ho 'irfāñ kī sabīl

be-asar tum pe har ik mo'jiza-o-harf-o-dalīl

michelangelo vo taish-o-alam kā lamha

tere teshe ne tarāshā hai kis andāz ke saath

is qadar dard phir is tantana-o-nāz ke haath

terī taḳhlīq kā ye sehr hai be-qaid-e-zamāñ

ahl-e-dil ke liye zahrāb hai ye āgāhī

ki is insān kī gumrāhī vahī hai ki jo thī

laakh suqrāt ise rāsta dikhlāte raheñ

is kī qismat meñ vahī tīra-shabī hai ki jo thī

laakh muusā yahāñ ḳhurshīd-ba-kaf aate raheñ

lauh-e-ahkaam hui ek hi jhaTke mein do laKHt

dekha jata na tha paighambar-e-sina ka jalal

lab safed aankhen tapan ruKH se 'ayan sadma-e-saKHt

aur un aankhon se ubalta hua ek qahr-e-'azim

sho’la-dar-sho’la rawan su-e-bani-israil

tum wo bad-baKHt ki Thukraate ho 'irfan ki sabil

be-asar tum pe har ek mo'jiza-o-harf-o-dalil

michelangelo wo taish-o-alam ka lamha

tere teshe ne tarasha hai kis andaz ke sath

is qadar dard phir is tantana-o-naz ke hath

teri taKHliq ka ye sehr hai be-qaid-e-zaman

ahl-e-dil ke liye zahrab hai ye aagahi

ki is insan ki gumrahi wahi hai ki jo thi

lakh suqraat ise rasta dikhlate rahen

is ki qismat mein wahi tira-shabi hai ki jo thi

lakh musa yahan KHurshid-ba-kaf aate rahen