ek tassur

aap ne yaad dilāyā to mujhe yaad aayā

ki mire dil pe paḌā thā koī ġham kā saaya

jab ye us sāhira-e-sehrr-navā ne gaayā

ḳhvāhish-e-kaif-o-tarab jhuum ga.ī bal khā ke

naach uThī ‘ishrat-e-ehsās kamar lachkā ke

rah ga.ī soz-e-tamannā kī fazā lahrā ke

haa.e vo naġhma ki hai jān-e-jahān-e-naġhma

nafas-e-naġhma lab-e-naġhma zabān-e-naġhma

balki sach pūchhiye to rūh-o-ruvān-e-naġhma

uff re vo lahn jise kahiye navā kā jhoñkā

kisī tapte hue sahrā meñ sabā kā jhoñkā

lahlahātī huī gul-rez havā kā jhoñkā

jis kī gūñjoñ se fazā zamzama-pardāz rahe

jis pe firdaus ke naġhmāt ko bhī naaz rahe

zohra-e-charḳh-e-barīñ gosh-bar-āvāz rahe

yā-rab aisī bhī navā dahr ke us saaz meñ thī

ye halāvat bhī nihāñ giit ke andāz meñ thī

zauq-e-āvāz kī qismat meñ ye āvāz bhī thī

aap ne yaad dilaya to mujhe yaad aaya

ki mere dil pe paDa tha koi gham ka saya

jab ye us sahira-e-sehrr-nawa ne gaya

KHwahish-e-kaif-o-tarab jhum gai bal kha ke

nach uThi ‘ishrat-e-ehsas kamar lachka ke

rah gai soz-e-tamanna ki faza lahra ke

hae wo naghma ki hai jaan-e-jahan-e-naghma

nafas-e-naghma lab-e-naghma zaban-e-naghma

balki sach puchhiye to ruh-o-ruwan-e-naghma

uff re wo lahn jise kahiye nawa ka jhonka

kisi tapte hue sahra mein saba ka jhonka

lahlahati hui gul-rez hawa ka jhonka

jis ki gunjon se faza zamzama-pardaz rahe

jis pe firdaus ke naghmat ko bhi naz rahe

zohra-e-charKH-e-barin gosh-bar-awaz rahe

ya-rab aisi bhi nawa dahr ke us saz mein thi

ye halawat bhi nihan git ke andaz mein thi

zauq-e-awaz ki qismat mein ye aawaz bhi thi